Siglir tar il cuntegn

Header

video
Gastrosuisse pretenda da schluccar mesiras
Or da Tagesschau dals 23.05.2020.
laschar ir
cuntegn

Retschertga da Gastrosuisse Dapi la reavertura: Restaurants fan be 40% da la svieuta

9 da 10 manaschis da la gastronomia quintan da far sperdita, dapi la reavertura suenter il lockdown. Pervi da la crisa da corona èn las svieutas en media sa reducidas per 60% cumpareglià cun l'onn avant. Quai mussa ina retschertga online che Gastrosuisse ha fatg tar dapli che 3'000 da ses commembers ils 19 enfin ils 21 da matg.

40% dals dumandads na san betg, sch'els pon u sch'els vulan insumma avair avert il zercladur. Las reglas actualas sajan fitg restrictivas, uschia Gastrosuisse.

Squitsch sin politica

Gastrosuisse pretenda dal Cussegl federal da schluccar las mesiras da corona per la gastronomia. Las cundiziuns actualas sajan memia severas per ils ustiers. Quai ha ditg il president da Gastrosuisse Casimir Platzer en la «Tagesschau».

Platzer vul reducir la distanza minimala tranter las maisas da 2 sin 1 meter. Plinavant vul el dapli osps per maisa – che be 4 – e che l'ura da polizia saja pli tard ch'a mesanotg.

L'epidemiolog bernais Christian Althaus da sia vart avertescha d'esser precaut. Ins stoppia l'emprim spetgar il svilup da la pandemia.

RTR novitads 12:00

Artitgels legids il pli savens

Scrollar a sanestra Scrollar a dretga