Spazis selvadis sajan insatge positiv per la gronda part da la populaziun ed ils experts. Quai communitgescha la Pro Natura sin basa da la retschertga tar persunas privatas ed experts da la protecziun da la natira, da l'administraziun, dal turissem da l'economia da chatscha e dal forestalesser. Tenor la retschertga punctueschan 95% dals dumandads ch'i dovria la muntada da la biodiversitad e stgars 90% la natira selvadia, na-influenzada.
Adina damain spazi selvadi en Svizra
E spazi selvadi defineschian ils blers sco regiuns grondas cun animals selvadis, pumers cupitgads e senza esser influenzà dal carstgaun. Talas cuntradas na dettia quai però strusch pli en Svizra ed en l'Europa centrala. Anzi, la Svizra ha tenor la Pro Natura pers ils ultims 200 onns radund 90% da tut sias palids.
Renaturar chatta dapli acceptanza
Da l'autra vart possia però era turnar la natira selvadia en cuntradas che vegnivan avant nizzegiadas da moda intensiva. L'acceptanza da projects da renaturar guauds, flums, palids e regiuns muntagnardas saja creschida ils ultims onns, concluda Pro Natura en la cumparegliaziun cun la retschertga dal 2002.