La cumpart da la glieud che ha duvrà prendì antibiotica – è sa sbassada tranter il 2016 ed il 2022 da 25 sin 19%. Quai communitgescha l’Uffizi federal da sanadad BAG sin basa d’ina retschertga che vegn fatga mintga dus onns.
Duvrà il pli savens antibiotica han las persunas dumandadas suenter operaziuns, suandà dad infecziuns u inflammaziuns ed infecziuns da las vias urinaras. Il pli aut è il consum d'antibiotica tar persunas tranter 55 e 64 onns.
Co duvrar antibiotica n’è betg tuttina bain enconuschent, tenor la retschertga. Sulet 44% dals dumandads han inditgà – il tractament dastgia pir chalar cura che tut l’antibiotica saja consumada tenor prescripziun. 17% èn da l’avis fauss, che quai saja il as suenter 4 fin 14 dis. E mintga 10avel manegia, ch’i saja bun da chalar uschè spert ch’ins sa sentia meglier.
Per la retschertga ha l’institut Demoscope dumandà 1’000 persunas da tut las regiuns svizras via telefon.
Il Minisguard ha declerà:
