RTR è il radio il pli simpatic da la Svizra, sco ina retschertga da Publicom demussa. Tenor emprimas analisas dal studi mediaBrands n'ha nagin'autra da las 52 marcas da radio examinadas pudì tegnair pitg a la valur da simpatia da RTR. Davart questa nova sa mussa il schefredactur, Flavio Bundi cuntent:
Dad esser il radio il pli simpatic da la Svizra ma fa grond plaschair. Oravant tut per nossas collavuraturas e noss collavuraturs da RTR che s’engaschan di per di per noss auditori fidaivel. Il resultat ans mussa er che nus essan sin la dretga via cun noss programs.
Sin plazza 2 suonda l'emettur local da Bienna Canal3 e sin plazza 3 il radio privat da Friburg RadioFr.