Cunzunt senioras e seniors sa passiuneschan adina dapli per products da chonv. Quai resulta d’ina retschertga da l’institut da perscrutaziun dal martgà «Link», sco la «NZZ am Sonntag» rapporta. Tenor quai pudessan 30% da las persunas sur 60 onns – ch’han anc mai consumà CBD – s’imaginar da consumar tals products. Tar generaziuns pli giuvnas tranter 30 e 59 onns sajan quai be 23% e tar persunas tranter 15 e 29 onns almain 27%.
Divers motivs per consum
Persunas pli veglias e dunnas dovrian per exempel ieli, itg e daguts da CBD cunter il mal u per pudair durmir meglier. Umens e giuvenils consumeschian ils products plitost per survegnir buna luna e per reducir il stress.
Fatg part da la retschertga represchentativa online han radund 2'500 persunas la segunda mesadad dal zercladur.
Or da l'archiv: