Siglir tar il cuntegn

Header

audio
La branscha da cultura ha fatg visita a Berna, cun il giavisch per dapli perspectiva
Or da Actualitad dals 26.01.2021.
laschar ir. Durada: 03:21 minutas.
cuntegn

Return da la cultura Tant bramà, dentant betg en vista

Era suenter in inscunter cun il Cussegl federal datti betg propi perspectivas per il sectur da cultura.

Dapli bundant in onn èn persunas da la cultura senza lavur pajada. Dapli indesch mais han pudì avair lieu mo paucs eveniments culturals pitschens. «Nus vulain ina perspectiva per planisar», manegia perquai Stefan Breitenmoser. El fa part da la Taskforce da cultura. La branscha brama sin ina perspectiva. Dentant na datti quella anc betg davart da la Confederaziun.

Glindesdis hai dà in inscunter tranter la Taskforce da cultura ed il minister da sanadad e cultura Alain Berset. Da dar uss ina perspectiva saja nunpussaivel, hai num da Berna. I na saja betg da prevesair co che la situaziun sa sviluppa.

Tuttina è Stefan Breitenmoser ì cun in meglier sentiment sco autras giadas ord l’inscunter. Suenter mais nua ch’ins haja adina puspè menziunà ils duairs da la cultura, hajan ins uss l’impressiun ch’ins vegn udì. I dat signals ch’il barat vegn uss pli intensiv. Ina finamira è, dad avair in concept finì uschespert ch'ins po puspè returnar sin tribunas. Uschia perdan ins betg anc dapli temp.

RTR actualitad 17:10

Artitgels legids il pli savens

Scrollar a sanestra Scrollar a dretga