Siglir tar il cuntegn

Header

cuntegn

Svizra Revisiun d'inventari da cuntradas e monuments natirals è approvà

La revisiun da l'inventari federal da las cuntradas e dals monuments natirals d'impurtanza naziunala (BLN) è approvà. Quest inventari cumpiglia las pli custaivlas e tipicas cuntradas svizras.

audio
Mezdi: Revisiun d'inventari da cuntrada
ord Actualitad dals 29.03.2017.
laschar ir. Durada: 58 Secundas.

Ils 162 objects da l'inventari èn da nov descrits en detagl. Er ils motivs per lur muntada naziunala e las finamiras per prroteger quels èn vegnids precisads. Entras questas cumplettaziun è definì pli cler tge ch'è pussaivel da far en questas zonas protegidas.

Las cuntradas ch'èn cumpigliadas en l'inventari dal BLN dumbran sco ierta da la cuntrada da la Svizra. Ellas influenzeschan plinavant l'identitad regiunala ed èn in capital turistic da gronda muntonza. Sco spazi da recreaziun procuran els era per sanadad tar la populaziun.

Dapli segirezza

Grazia a las descripziuns pli detagliadas èsi pli segir d'agir en dumondas da dretg e per planisar. Proceduras per projects en ils territoris da cuntradas da muntada naziunala duain daventar pli curtas, pli cleras e pli simplas.

Ils projects dal Grischun en il BLN

  • Lai da Tuma
  • Ruinaulta
  • Cuntrada alluviala a la part sut dal Rain Posteriur
  • Val da Camp
  • Intschess dal Kesch e Ducan
  • Regiun sitga en la part davant da la Tumleastga
  • Regiun da funtaunas dal Rain Posteriur
  • Cuntrada da lais da l'Engiadin'Ota e la gruppa dal Bernina
  • Piz Arina
  • Silvretta – Vereina
  • Regiun dal Toma tier Domat
  • Paludi del San Bernardino
  • Greina – Piz Medel
  • Plasseggen – Schijenflue
  • Parc Naziunal Svizzer e regiuns cunfinantas
  • Val Bondasca – Val da l'Albigna

RR novitads 12:00

Artitgels legids il pli savens