Siglir tar il cuntegn
cuntegn

Svizra Rheinau vul testar durant in onn entrada da basa senza cundiziuns

La vischnanca turitgaisa Rheinau vul testar ina paja minimala senza cundiziuns. Per in onn duain tut ils abitants sur 25 onns survegnir ina entrada da basa senza cundiziuns da 2'500 francs il mais.

Dunna che prenda daners ord la bursa.
Legenda: La populaziun da Rheinau è averta per l'experiment. Keystone

La vischnanca da Rheinau sustegna il test privat. L'experiment ha dentant anc da superar intginas difficultads. La finanziaziun n'è anc betg segirada. Ils organisaturs vulan rimnar daners cun agid da Crowdfunding e fundaziuns. Plinavant sto almain la mesadad da la populaziun sa participar per ch'il test po vegnir realisà.

Prender part a l'experiment pon be persunas che vivan gia uss a Rheinau. Dapli detagls duain suandar a chaschun d'ina occurenza la fin d'avust. Pir lura pon interessents s'annunziar liant.

Experiment en detagl

Personen-Box aufklappenPersonen-Box zuklappen

Tgi che prenda part, survegn l'entschatta dal mais 2'500 francs (creschids sut 25 onns survegnan pli pauc). Tgi che gudogna tiers sto era puspè pajar enavos daners. Vul dir, tgi che gudogna dapli che 2'500 francs survegn la fin finala nagina entrada da basa senza cundiziuns. I na gioga nagina rolla sche las entradas èn paja, renta d'AVS u prestaziuns socialas.

Tgi che na paja betg enavos il daners vegn exclus. L'experiment cuzza in onn – da schaner fin december 2019.

Avant dus onns aveva il suveran svizzer refusà ina entrada da basa senza cundiziuns cun 78%.

RR novitads 06:00