Svizra - Rimnà 15 milliuns francs cun crowdfunding
L’onn passà en vegni rimnads en Svizra 15,8 milliuns francs cun l' uschenumnà crowdfunding. Quai è bun in terz dapli che l’onn passa, uschia communitgescha la scol’auta da Lucerna. Crowdfunding è ina sort da sponsoring en l’internet nua che artists ni autras persunas pon tschertgar daners.
Ils daners vegnan rimnads per projects e pon uschia chattar donaturs sin l’entir mund. Tenor ils auturs dal studi sajan ils projects che duain vegnir finanziads uschia da fitg different gener. Uschia per exempel per autos da famiglia, preparaziuns da nozzas, ina dentera u per fundar ina firma.
Era s’augmentà fermamain è l’onn passà la surdada da credits, il Crowdlending, nua che la summa è augmentada davent da 1,8 milliuns sin 3,5 milliuns francs, scriva la scol’auta Lucerna.
