Siglir tar il cuntegn
Inhalt

Svizra Rimnà be 15% da las suttascripziuns per referendum

Il referendum cunter las novaziuns tar la gulivaziun da finanzas naziunala ha fatg naufragi. Da las 50’000 suttascripziuns necessarias èn vegnidas ensemen sulet 7’500.

Munaida svizra.
Legenda: Tenor il comité dal referendum han mancà resursas persunalas e finanzialas per rimnar suttascripziuns activamain. Keystone

Plinavant han be 4 dad 8 chantuns - che fissan stads necessaris - decis il referendum.

PPS Sviz sco motor dal referendum

Las bleras suttascripziuns vegnivan dals chantuns Sviz (5’000), Turitg (1’000) e Zug (1’000). La PPS dal chantun Sviz era la forza principala davos il referendum. Sco quai ch'il comité ha confermà sin dumonda da l'agentura da novitads SDA, sajan las suttascripziuns uschia vegnidas inoltradas sco petiziun.

Cumpromiss tranter Confederaziun e chantuns

Cun il naufragi dal referendum va uschia en vigur in cumpromiss tranter la Confederaziun ed ils chantuns. Ils chantuns donaturs vegnan distgargiads per 67 milliuns francs l'onn; vegnì pretendì era il dubel.

RR novitads 11:00