En ses pled al congress dals Svizzers a l'ester a Lugano ha il president da la Confederaziun Ignazio Cassis mess en il center la democrazia. Suenter ina democratisaziun creschenta en tut il mund, sa sviluppeschia l'istorgia puspè en direcziun autocrazia. Quai dapi l'attatga russa sin l'Ucraina, uschia Cassis en ses pled.
La Svizra gioga ina rolla impurtanta
Per rinforzar la democrazia era en l'avegnir gioghian ils Svizzers e las Svizras a l'ester ina rolla impurtanta. Quai grazia a lur vista d'ordaifer e las experientschas or da lur pajais ospitants.
Al congress èn da la partida 400 persunas da 40 pajais – quai anc enfin dumengia.