Il gudogn da var 23 milliuns francs muntia ina dublegiada cumpareglià cun l'onn 2015 e cuntanschia puspè il nivel dals onns 2014 e 2013. Quai scriva la chasa editura Ringier. La svieuta è creschida il 2016 per 11% sin pli ch'ina milliarda francs.
Quest bun svilup è tenor Ringier d'attribuir a la paisa dada a la digitalisaziun. Uschia fa Blick.ch dapli svieuta cun reclama ch'il Blick stampà sin palpiri.
L'interpresa ha investì l'onn 2016 era en ils secturs «transfurmaziun e digitalisaziun». La chasa editura Ringier ha en il fratemp var 200 plattafurmas digitalas e pli che 90 applicaziuns mobilas. In onn avant era quai anc 160 plattafurmas e 70 apps.
Questa strategia consequenta mussia effect:
Gia 62 pertschient dal gudogn operativ realisain nus cun models da fatschenta digitals
La dependenza da la fatschenta centrala - pia gasettas e revistas e stamparia - è vegnida reducida massivamain.
RR novitads 11:00