Er uschenumnadas famiglias da patchwork datti adina dapli, entant perda la famiglia tradiziunala sia muntada. Il medem mument è s’augmentà il nivel da furmaziun e las pretensiuns sin il martgà da lavur crescha. Quai periclitescha en spezial las famiglias d'in genitur e persunas senza furmaziun postobligatorica. Uschia scriva l'Uffizi federal da statistica en ses rapport social 2015.
Risico d’isolaziun
Il risico d’esser isolà da la societad dependa da dus facturs: resursas da temp e nivel da furmaziun. 50% da las persunas che retschaivan agid social n’han betg fatg in’ulteriura scolaziun suenter il temp da scola obligatoric. Questas persunas èn er dapli senza lavur. Il rapport mussa era la situaziun precara da persunas ch’educheschan sulettas. Lur resursas da temp na tanschan betg per in pensum da lavur che cuvriss lur existenza. Era en privel da vegnir isoladas èn persunas che vivan persulas.
Il rapport social da l’Uffizi per statistica descriva las pli impurtantas tendenzas socialas ed economicas da l’entira Svizra, sco era las differentas ristgas socialas.
RR Novitads 12:00