Il concern da farmazia Roche ha fatg ils emprims trais quartals da l'onn dapli svieuta che durant la medema perioda da l’onn passà. La svieuta è s’augmentada per 4% sin 37,5 milliardas francs, communitgescha Roche.
Il concern saja cunquai sin buna via da cuntanscher las finamiras avisadas per il 2016. L’augment saja surtut d’engraziar a bunas venditas tar ils medicaments cunter cancer dal sain. Ils acziunaris dastgan uschia puspè sperar sin ina dividenda pli auta. Las cifras da gudogn publitgescha Roche sulet mintga semester.
