Il concern farmaceutic svizzer Roche po sperar che ses medicament per cumbatter la malsogna da sclerosa multipla (MS) survegn l'admissiun en ils Stadis Unids fin la fin da quest onn.
L'autoritad da medicaments americana FDA haja acceptà la dumonda d'admissiun per il medicament «Ocrevus» e vegnia ad examinar il medicament en ina procedura pli sperta. Quai communitgescha Roche che quinta cun ina decisiun enfin ils 28 da december 2016. Il preparat duai er gidar cunter furma da MS ch'era fin ussa betg tractabla.
RR novitads 08:00