Svizra - Roche profitescha vinavant dals medicaments cunter cancer
Ils medicaments cunter il cancer han er laschà crescher la svieuta da Roche l’emprim mez onn dal 2015. Las venditas dal concern sajan creschidas per 3% sin 23,6 milliardas francs, communitgescha il concern da farmazia svizzer.
Tar curs da stgomi constants fiss la svieuta schizunt creschida per 6%. Il gudogn perencunter è sa reducì per 7% sin 5,2 milliardas francs. Er qua sa mussan ils effects negativs dals curs. Tar curs da stgomi stabils fiss il gudogn restà stabil.
