Siglir tar il cuntegn

Header

Logo da la firma Roche.
Legenda: Roche vul sustegnair ils 220 collavuraturs a Rio «il meglier pussaivel». Cun las emprimas relaschadas vulan els cumenzar il proxim onn. Keystone
cuntegn

Svizra Roche serra fabrica a Rio de Janeiro

Il concern da farma svizzer Roche na vul betg pli producir a Rio de Janeiro en Brasilia. La raschun saja che la fabrica na rendia betg pli, ha Roche annunzià. Entaifer ils proxims tschintg onns vegn la fabrica a serrar sias portas. Silsuenter vul il concern vender il terren.

440 collavuraturs da Roche perdan lur lavur

La fabrica sa chatta en la regiun Jacarepagua e producescha calmativs e meds da durmir per l'America Latina e per l'Europa. En la fabrica lavuran anc 440 collavuraturs da Roche e 200 incumbensads. La fabrica vegn serrada perquai ch'ella na renda betg pli, ha Roche communitgà.

Ulteriura frida per l'economia en Brasilia

L'annunzia da Roche è in'ulteriura frida per l'economia en Brasilia. Pliras interpresas grondas han gia annunzià da smetter la producziun en Brasilia. Mardi ha la societad aviatica Avianca Brasil, che ha il december annunzià il concurs, infurmà ch'els serran lur 21 trajects l'avrigl sco era il biro a l'eroport da Rio. Il favrer ha il producider d'autos Ford annunzia da serrar sia fabrica da camiuns datiers da Sao Paulo nua che dapli che 3'200 collavuraturs lavuran.

RR novitads 06:00