Siglir tar il cuntegn

Header

cuntegn

Svizra Roger Moore è mort

El ha furmà la rolla da James Bond sco nagin auter, Roger Moore. Il famus actur britannic è mort en la vegliadetgna dad 89 onns.

Il famus actur britannic Roger Moore è mort. Tranter 1973 e 1985 ha el giuga set giadas la rolla principala en ils films da James Bond. Enconuschent sin l'entir mund era Moore dentant gia vegnì ils onns 1960 sco Simon Templar en la seria cun il medem num. En passa 100 episodas ha el mess a pantun da tuttas sorts canagls.

Moore aveva 89 onns ed è mort en sia patria d'elecziun a Crans-Montana en il Vallais, suenter in curt cumbat cunter sia malsogna da cancer. Quai ha confermà ses management.

RR novitads 16:00

Artitgels legids il pli savens