Siglir tar il cuntegn
cuntegn

Svizra Roland Mägerle da nov a la testa da SRF sport

A partir da l'auter onn è Roland Mägerle a la testa da la partiziun sport da SRF e da la «Business Unit Sport». Lezza organisescha las occurrenzas grondas da sport per tut las unitads d'interpresa da la SSR.

purtret Roland Mägerle
Legenda: Roland Mägerle na vul anc betg tradir bler da sia strategia per il sport tar SRF. mad/SRF

Mägerle ha lavurà sco redactur da sport, sco producent ed era sco manader dal sport «live». Dapi il 2004 è Mägerle activ tar la BUS sco manader da projects gronds.

«Sport ha rolla centrala aifer il service public»

Sur da la strategia ch’el vul realisar a partir dal 2016 n’ha Mägerle anc betg vulì tradir bler. En mintga chass vegn el era ad esser confruntà cun la discussiun dal service public. Tenor Mägerle gioga il sport ina rolla centrala quai che pertutga il service public.

RR actualitad la saira 17:00