Il concern d'armament da la Confederaziun Ruag ha clamà enavos il manager responsabel per muniziun en l'America Latina. La raschun saja ch'el haja ludà il president brasilian, il populist da la dretga, Jair Bolsonaro. A chaschun d'ina fiera dad armas a Rio de Janeiro haja el s'exprimì a moda positiva davart la politica dal schef da stadi dispitaivel. Quai han rapportà la sonda il Blick ed er la Tamedia sa referind sin ina pledadra da la Ruag. Il manager pertutgà duai en futur surtut esser activ en l'Europa.
La Ruag è sa distanziada da las decleraziuns privatas dal collavuratur. Ruag na prendia da principi betg posiziun tar process politics. Tenor il «Blick» e gasettas da Tamedia duai il collavuratur da la Ruag lavurar en l'avegnir oravant tut en l'Europa.
RR novitads 06:00