Il concern d'armaziun da la Confederaziun Ruag ha fatg l'onn passà in gudogn da record. Malgrà l'embargo d'export en il Proxim Orient ed il ferm franc è quel creschì per radund 39% sin 117 milliuns francs. Quai communitgescha il concern.
La svieuta percunter è sa reducida per 2% sin 1,7 milliardas francs. Quai surtut pervi da raschuns dal curs da stgomi.
In augment surproporziunal hai dà en il sectur da la defensiun e la structura da construcziun d'aviuns.
Ruag quinta da pajar ina dividenda da 47 milliuns francs. Profitar da quai po cunzunt la Confederaziun sco possessura dal concern.
RR novitads 15:00