En il cas ch’il preventiv vegniss scursanì da 5 sin 4,5 millliardas francs, pudess il Ruag perder fin a la mesadad da las empustaziuns spetgadas, ha il schef dal concern ditg ier a las medias.
Las empustaziuns dal Departament federal da defensiun furman enturn 30% da la svieuta dal concern. Grondas spetgas da crescher ha il concern Ruag en la partiziun che sa fatschenta cun la segirezza en il mund virtual.
Ruag: in concern statal
Il Ruag sa cumpona da las divisiuns astronautica, muniziun, mantegniment e construcziun structurala d’aviuns e defensiun. Cun quai n’è il Ruag betg pli in concern puramain militar. Il Ruag appartegn cumplettamain a la Confederaziun.
RR novitads 06:00