Siglir tar il cuntegn
cuntegn

Svizra Ruedi Haller è il nov directur dal Parc Naziunal Svizzer

Ruedi Haller succeda a Heinrich Haller: La cumissiun federala dal Parc Naziunal Svizzer PNS ha tschernì il manader da la perscrutaziun e geoinfurmaziun PNS sco directur, scriva ella en ina communicaziun a las medias.

Legenda: Guardar il video Midada tar il PNS: Haller va - Haller vegn. Durada 01:50 minutas.
Or da Telesguard dals 16.11.2018.

Ruedi Haller è vegnì elegì da la cumissiun federala sco successur da Heinrich Haller che va en pensiun – els dus na sajan betg parents, precisescha la communicaziun dal PNS.

Ruedi Haller ha 52 onns, è geograf e viva cun sia famiglia ad Ardez. Tar il PNS maina el la partiziun perscrutaziun e geoinfurmaziun. El è commember da la direcziun generala dal parc ed haja gist terminà cun success ina scolaziun da diplom per Management dad uniuns ed organisaziuns senza finamira da profit a Fribourg, scriva il PNS.

Il nov directur è la settavla persuna che maina dapi l'onn da fundaziun il 1914 il PNS. El surpiglia l'uffizi il prim d'october 2019.

RR novitads 18:00