A fermadas da tram e bus bain frequentadas duai dar fin 4-milli ulteriurs lieus da rimnada da PET. Tar bleras fermadas dettia be sadellas da rument. Uschia giaja a perder mintga di in grond dumber da PET – ha ditg il maina-fatschenta da «PET-Recycling-Svizra» a la gasetta «Schweiz am Wochenende».
En Svizra datti ozendi 50'000 lieus da rimnar buttiglias da PET. Quai tar detaglists, biros, scolas u tar implants da temp liber. Ma anc adina giajan blers pachetadis da PET a perder perquai ch'i sa tschentan en sadellas da rument. PET-Recycling-Svizra parta dal fatg che radund 20% da las 22'000 fermadas en il traffic public èn frequentadas ferm.
Grazia al project duaja la quota da reciclar vegnir augmentada per 7% sin 90%.