Siglir tar il cuntegn

Header

cuntegn

Russia enstagl China Aviun dal Cussegl federal ha stuì turnar en Svizra

Ignazio Cassis è puspè turnà en Svizra. El ha stuì spustar sia visita en la China per in dialog strategic pervi d'in problem tecnic da ses aviun. La visita duai avair lieu uschè spert sco pussaivel

L’aviun cun il minister da l’exteriur Ignazio Cassis a bord haveva stuì sa tschentar nunplanisadamain. L’aviun dal cusseglier federal era da viadi vers China. Curt suenter ina fermada tenor plan a Novosibirsk en la Sibiria per tancar, haja l’aviun gì problems tecnics e stuì turnar a Novosibirsk, haveva il Departament federal d’affars exteriurs EDA scrit sin twitter.

Silsuenter saja la delegaziun cusseglier federal vegnida sgulada a Moscau, nua ch’i è vegnì sclerì sch’i saja pussibel da sgular vinavant vers China. Planisà èri ch’il minister da l’exteriur Ignazio Cassis s’inscuntria sonda cun ses collega d’uffizi chinais Wang Yi. Els vulevan discurer sur da las relaziuns bilateralas, svilups internaziunals actuals ed era sur dals dretgs umans. Discurs tranter ils ministers da l'exteriur da la Svizra e la China datti dapi 2017, alternativamain en Svizra u China.

Gia il fanadur haveva il president da la Confederaziun Guy Parmelin stuì interrumper ses sgol a l'avertura dals gieus olimpics el Giapun pervi d'in incaps tecnic. L'aviun haveva stuì sa manar sur la Lettonia e turnar en Svizra.

audio
Per tadlar: Las novitads da las 15:00
aus RTR Audio vom 26.11.2021.
abspielen. Laufzeit 2 minutas 33 Sekunden.

RTR novitads 15:00

Artitgels legids il pli savens

Scrollar a sanestra Scrollar a dretga