La situaziun en l'europa da l'ost saja bain precara, i saja dentant chausa da l'Organisaziun per la segirezza e la collavuraziun OSZE, da pigliar posiziun e betg da la Svizra sco stadi singul, ha argumentà Ingazio Cassis. La Svizra veglia sa preschentar sco plattafurma da dialog credibla e neutrala. Actualmain vegnia fatg tut per schliar il conflict da l'Ucraina a moda diplomatica. Ins na possia dentant anc betg discurrer d'ina deescalaziun.
Il president da la Confederaziun, sco era auters stadis da l'OSZE, han survegnì ina brev da la Russia. Lezza vul savair co ils stadis vesan la segirezza en l'Europa e l'engrondiment da la Nato vers l'ost.