A curta vista ha cusseglier federal Johann Schneider-Ammann envidà ad ina conferenza da medias. Ed el n’ha betg zuppentà che la posiziun dals sindicats al vilenta. El n’acceptia betg la renfatscha ch’el veglia metter en dumonda plazzas da lavur e pajas, ha detg il minister d’economia.
Schneider-Ammann defenda la via bilaterala
Il Cussegl federal veglia las cunvegnas bilateralas per sclerir la situaziun cun l’Uniun europeica. E las ideas dals sindicats pondereschia il Cussegl federal natiralmain. Dentant na dastgia la via bilaterala betg vegnir messa en dumonda, ha Johann Schneider-Ammann manegià. Il Cussegl federal veglia uss quietar la situaziun.
Ils discurs planisads per la gievgia han uss tuttina lieu, dentant sulet cun ils represchentants dals patruns e dals chantuns.
RR novitads 20:00
