Siglir tar il cuntegn

Svizra Ruth Metzler daventa presidenta da la Fundaziun Guardia svizra

L'anteriura cussegliera federala succeda a Pascal Couchepin. Ella surpiglia l'uffizi a partir dal fanadur.

ruth metzler.
Legenda: Ruth Metzler surpiglia davent dal fanadur il presidi da la Fundaziun da la Guardia svizra papala. Keystone

L’anteriura cussegliera federala Ruth Metzler daventa presidenta da la Fundaziun da la Guardia svizra papala en il Vatican. Metzler succeda a l’anteriur cusseglier federal Pascal Couchepin. Lez sa retira suenter 7 onns al timun da la fundaziun. Couchepin era quella giada succedì a l'anteriur cusseglier federal Flavio Cotti.

Metzler surpiglia l’uffizi a partir dal fanadur. Quai communitgescha il cussegl da la fundaziun. La fundaziun è vegnida fundada il 2000. Quai cun l’intenziun da sustegnair la Guardia svizra papala finanzialmain e social.

RR novitads 11:00