Siglir tar il cuntegn

Svizra Saas-Grund - era l’ultima part dal glatscher «Trift» è rutta giu

La notg sin glindesdi è ina ulteriura part instabila dal glatscher «Trift» en il Valais rutta giu. Uschia saja il glatscher nagin privel pli. Quai communitgeschan las autoritads vallesanas.

Glatscher Trift
Legenda: Il glatscher da «Trift» è ruts duas ga aifer paucs dis. Keystone

Suenter che l’ultima part da la lieunga dal glatscher sur Saas-Grund è rutta giu, han ils experts chalà d’observar il glatscher. Il material rut giu saja uss sin la part sut dal glatscher ch’è guliva – e saja uschia nagin privel. Era il nov material rut giu n'haja chaschunà nagins donns, conferman las autoritads.

Il vitg da Saas-Grund era vegnì evacuà. Ins aveva temì ch'i possia dar bovas da glatsch. La dumengia a bun’ura era la gronda part dal glatscher rutta giu senza far donns.

RR novitads 14:00