Siglir tar il cuntegn

Header

cuntegn

«Sächsilüüte» Spetgà uschè ditg sco anc mai – il Böögg fa in record

D'aura sulegliva ha il Sechseläuten gì lieu. Tut il cuntrari è la prognosa dal Böögg ch'è explodì uschè tard sco anc mai. Il record da 57 minutas munta tenor la tradiziun che la proxima stad vegn bletscha e fraida.

Quasut suondan intginas tradiziuns per prognostitgar l'aura e lur atgnadads. Il Böög da Turitg è be ina da differentas.

audio
Per tadlar: Sächsilüüte ed autras tradiziuns da prognostitgar l'aura
ord Actualitad dals 17.04.2023. Maletg: RTR
laschar ir. Durada: 3 minutas 13 Secundas.

Sechseläuten

Il Böög explodescha a Turitg. L'um da naiv artifizial emplenì cun strom che duai simbolisar l'enviern. Pli spert ch'il chau da l'um da naiv artifizial siglienta e pli bella che la stad duai vegnir.

Adina puspè èn er Grischuns e Grischunas da la partida tar la tradiziun turitgaisa. Il chantun Grischun è er gia stà pliras giadas il chantun envidà.
Quest onn chavaltgescha er Gian Peter Niggli da Samedan tras Turitg ed enturn il Böög, el è vegnì envidà da la Zunft zu Wiedikon sco giast.

audio
Discurs cun il giast tar il Sechseläuten Gian Peter Niggli
ord Actualitad dals 17.04.2023. Maletg: Gian Peter Niggli
laschar ir. Durada: 5 minutas 48 Secundas.

Wetterschmöcker

En il Muotathal fan profets da l’aura prognosas. Quellas prognosas fan els cun differentas metodas superstiziusas sco per exempel cun savurar vi da la naiv e guardar sin la consistenza da quella.
In Wetterschmöcker Martin Horat, ch'ins enconuscha forsa e or da reclamas, seseva er bler en furmiclers per far prognosas da l'aura.

Parmuglier

Ein Schlehdorn
Legenda: Il Parmuglier Colourbox

Sin tudestg «Schlehdorn» ni er «Schwarzdorn». Tenor la regla da purs duai la flur mussar en avrigl tge che capita.
Pli baud en avrigl che la parmuglia flureschia e pli baud ch'il pur po racoltar. In schaner miaivel dat tenor la regla ina rauca primavaira ed ina stad chauda.

Groundhog Day

video
Registraziun dal «Groundhog day» 2023 en Pennsylvania
Or da RTR dals 17.04.2023.
laschar ir. Durada: 2 minutas 30 Secundas.

Il film «Täglich grüsst das Murmeltier» da l'onn 1993 sa basa sin la tradiziun da Groundhog Day en l’America en il stadi Pennsylvania. Per prognostitgar co che l'enviern va vinavant, dumondan ils Americans e las Americanas las muntanellas en in rom da festivitads il cumenzament da favrer.

La pli enconuschenta sort da muntanellas ha num «Puncsutawney Phil» da Pennsylvania. Tras il film è «Phil» vegnì renumnà en l'entir mund. Per l’emprima giada da l'onn vegnan ellas carmaladas or da la tauna. Sche l'animal vesa sia sumbriva, munta sch'il sulegl splendura, cuzza l'enviern anc sis emnas pli ditg ed exact gliez saja quest onn il cas.

RTR actualitad 11:00

Artitgels legids il pli savens