Siglir tar il cuntegn

Header

cuntegn

Svizra Salvar pass svizzer malgrà activitads extremisticas

Dschihadists svizzers ch'han cumbattì per il Stadi Islamic en Siria u en l'Irac na duain betg automaticamain stuair da giu il pass. La cumissiun d'instituziuns politicas dal Cussegl dals chantuns ha refusà in’iniziativa parlamentara or dal Cussegl naziunal cun 7 cunter 4 vuschs.

L'iniziant da l’iniziativa parlamentara è il cusseglier naziunal da la PPS Toni Brunner. L’anteriur president da partida pretenda d’annullar il dretg da burgais a burgais svizzers-esters (burgais dubels) che hajan commess acts extremistics en Svizra u en l’exteriur.

Il Stadi Islamic sa derasia en l’Europa ed en ils Stadis Unids, ed er en Svizra sa furmia cellas da terror, ha argumentà Brunner. Mercenaris dschihadistics sco burgais svizzers na sajan «betg supportabels», qua na dastgian ins porscher nagin spazi da decider a las autoritads.

Tenor la cumissiun cuntrafa l'iniziativa però gist per questa raschun als principis dal stadi da dretg. Il Cussegl naziunal aveva acceptà l’iniziativa cun 102 cunter 85 vuschs.

RR novitads 12:00

Artitgels legids il pli savens