Siglir tar il cuntegn

Header

video
Salvatore di Benedetto
Or da RTR dals 17.05.2016.
laschar ir
cuntegn

Svizra † Salvatore di Benedetto

Quai fiss stà il davos di da lavur da Salvatore di Benedetto da Giubiasco. Suenter vuleva il Talian da 24 onns chalar. Sia mamma na vuleva betg ch’el giaja a lavurar là, ma el haja adina ditg: «Mamma, igl n’è betg privlus! Nus mo stuain nettegiar!»

Ils 21 da schaner 2005 va in tren cun material en direcziun dal portal Bodio. Tar ina stgomia sa distatgan ils dus pli davos vaguns e collideschan cun in tren da lavur che stat sin il binari lateral. Il tren da lavur vegn catapultà enavant e smatga ensemen e splattitscha Salvatore di Benedetto e ses collega talian Andrea Astorino.

La procura publica dal chantun Tessin porta plant pervi da mazzament per negligientscha. «Insatge n’ha betg funcziunà endretg», di il bab da Salvatore. «Igl è il medem sche jau vom cun auto cun pneus davant isads e defects. Sch’i capita insatge, na poss jau lura dir: Quai è stà destin.»

Artitgels legids il pli savens

Ir a sanester Ir a dretg