L'emprima fasa da la sanaziun dal tunnel dal San Bernardino da quest onn è a fin. Quai vul era dir ch'il tunnel na vegn betg pli serrà durant la notg.
Quai capita dentant puspè a partir da mez avust, cura che la segunda fasa cumenza. Quella vegn a durar enfin la fin d'october. Lura duess la sanaziun esser terminada dal tut, sco l'Uffizi federal per vias ASTRA communitgescha.
L'emprima fasa ha cunzunt tangà la ventilaziun e l'illuminaziun dal tunnel. Plinavant han ins installà portals termics che gidan a percorscher meglier vehichels surstgaudads.
