Siglir tar il cuntegn

Header

audio
Per tadlar: curt e cumpact
Or da RTR Audio dals 11.12.2022.
laschar ir. Durada: 58 Secundas.
cuntegn

Sanadad 10% damain zutger en products svizzers

En il cumbat cunter memia bler zutger en mangiativas datti in success en Svizra. Sco la «NZZ am Sonntag» rapporta, sajan ils producents da bavrondas rinfrestgantas e da latg maschadada sco er da quagliadas s’obligads d’agiuntar pli pauc zutger a lur products.

Reducziun per 10% fin il 2024

Concret sajan tuttas interpresas relevantas prontas da reducir la quantitad da zutger en lur products per 10% enfin la fin dal 2024. Quai ha communitgà l’Uffizi federal da segirezza alimentara e fatgs veterinars envers la gasetta da la dumengia. Tenor quai è la reducziun in cumpromiss. La Confederaziun vuleva atgnamain reducir la quantitad da zutger per 20%.

Betg tut las bavrondas dultschas pertutgadas

Dentant na munta la cunvegna betg che tut las bavrondas dultschas cuntegnan en l’avegnir damain zutger. Decisiv è il portfolio da las interpresas. Sco referenza vala il 2019. Durant che la Confederaziun tschertga il dialog cun l’industria, han auters stadis introducì ina taglia sin zutger.

Ord l'archiv

video
Bler memia bler zutger!
Or da Nouvo RTR dals 01.11.2017.
laschar ir. Durada: 1 minuta 6 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga