Il mument pateschan radund 6% da tut las pazientas ed ils pazients che ston ir en l'ospital d'ina infecziun durant quest temp, sco l'uffizi federal da sanadad communitgescha. Cunquai saja la Svizra en la media europeica. Tenor l'urari dal BAG duai quest dumber vegnir reducì fin l'onn 2030 sin 5% e fin l'onn 2035 sin 4%.
Cunzunt infecziuns da plajas suenter operaziuns e tissientadas da sang sajan savens colliadas cun grevas consequenzas, uschia il BAG. Dentant er il lom e las vias urinadas sajan suenter operaziuns periclitads d'ina infecziun.
Scolaziuns e novs instruments
Concret prevesa l’urari differents instruments per la surveglianza e la prevenziun. Latiers tutgan per exempel scolaziuns per tut las collavuraturas e collavuraturs novs, sco era tscherts sistems da surveglianza. Ils singuls ospitals ston tenor il BAG fixar sin basa da l’urari naziunal atgnas finamiras e prioritads.