Siglir tar il cuntegn

Header

cuntegn

Sanadad Damain cas da HIV en Svizra

L'onn passà èn sulettamain 425 cas d’infecziun cun la malsogna d’autoimmunitad vegnids registrads en Svizra. Quai èn 4,5% pli pauc che aunc il 2017 ed uschia paucs sco anc mai. Per la reducziun dettia duas raschuns principalas:

  • Persunas cun in aut risico d’infecziun laschan testar pli savens. Uschia possian ins cumenzar pli baud da tractar las persunas.
  • Profilaxa cun medicaments gioga pli probabel era ina rolla. Entras ils medicaments possian ins sbassar il risico d'ina infecziun.

Era sch'i dat adina pli paucs cas da HIV saja la prevenziun fitg impurtanta. Be sch'ins observia las reglas, possian ins eliminar en Svizra la malsogna da HIV fin l'onn 2030. La malsogna restia nuncurabla e pretendia in tractament durant vita duranta.

Augment tar ils cas da gonorrea

In augment da bunamain 11% hai dentant dà tar las infecziuns da gonorrea, in'ulteriura infecziun che vegn transmessa cun contacts sexuals. Il 2018 ein ca. 3'100 cas vegnids registrads. La raschun ch'ins haja registrà dapli cas sajan dapli controllas tar gruppas da risico.

Ord l'archiv

video
SIDA - anc adina privlus
Or da Nouvo RTR dals 23.07.2017.
laschar ir. Durada: 58 Secundas.

RR novitads 12:00

Artitgels legids il pli savens