Siglir tar il cuntegn

Header

purtret da pachets da condom da Love life, la campagna dal BAG encunter aids.
Legenda: Keystone
cuntegn

Sanadad Damain persunas s'infectadas cun HIV

Enfin uss haja dà in terz pli paucas infecziuns novas che l'onn avant. Quai saja probablamain d'engraziar a la pandemia da corona.

Quest onn èn damain persunas s’infectadas cun HIV. Las cifras che l’Uffizi federal da sanadad ha publitgà èn anc provisoricas – tuttina mussian quellas in cler regress. Enfin uss haja il BAG registrà quest onn 234 infecziuns da HIV. Quai saja radund in terz pli pauc che avant in onn.

I saja plausibel che las restricziuns en connex cun la pandemia hajan in connex cun las cifras pli bassas. Quai ha l’uffizi federal declerà envers SRF. Er l'agid cunter aids maina enavos quai sin la pandemia.

U che la glieud ha sa laschà testar pli pauc en il temp da corona u che las persunas han gì pli paucs contacts sexuals en quest temp
Autur: Nathan SchocherManader dal program carstgauns cun HIV tar l'agid cunter aids

Las mesiras da corona hajan tenor Nathan Schocher da l'agid encunter aids gì in'influenza sin il sa cuntegnair sexual da la glieud. Per exempel sajan lieus d'inscunter sco las bars ed ils clubs crudads davent. Er l'ura da polizia haja contribuì ch'il sa cuntegnair sexual saja sa midà.

Ord l'archiv:

video
Parents da persunas cun HIV
Or da Telesguard dals 19.06.2007.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga