Siglir tar il cuntegn

Header

Navigaziun

Legenda: Tadlar il audio Cusseglier federal Alain Berset – il cumbat cunter zutger en mangiativas. Durada 02:52 minutas.
Or da Actualitad dals 27.08.2019.
cuntegn

Sanadad Damain zutger en jogurts e cerealias

Concerns s'oblieschan da producir jogurts e cerealias cun anc ina giada damain zutger. Er en auters products duai il zutger vegnir reducì. Vitiers duai vegnir reducì il sal en il paun. Sin questas finamiras èn sa cunvegnids represchentants da la branscha da mangiativas ensemen cun il minister da l'intern Alain Berset. El è fin uss fitg cuntent cun ils resultats da fin qua. Las miras sajan vegnidas cuntanschidas, gea schizunt surpassadas. Uschia han ins pudì reducir tranter il 2016 ed il 2018 il zutger per 2,5% e las cerealias per 5%.

Nagin cumond

Ins na veglia betg scumandar da mangiar zutger. Tut possia vegnir fatg da libra veglia. Cun reducir il zutger en jogurts ed en cerealias vegnia segirà che products che valan sco sanadaivel na cuntegnian betg memia bler zutger.

Damain sal en il paun

La branscha vul era reducir il sal en il paun ed en sosas. La mira per la nova gruppa da victualias duain vegnir francadas fin la fin da l'onn 2020.

«Decleraziun da Milaun»

Il zutger vegn reducì en ils jogurts anc ina giada per 10% ed en cerealias per 15%. Quant sal ch'ins vul reducir en il paun n'è anc betg definì. Cun questa decisiun vegn prolungada la «decleraziun da Milaun» enfin l'onn 2024. Quella è vegnida suttascritta l'onn 2015 da 14 interpresa ed ha sco finamira ch'ils producents reduceschan il zutger en lur products sin basa voluntaria.

Suttascrit quella cunvegnan han: Aldi Suisse, bio-familia, Bossy Céréales, Coop, Cremo, Danone, Emmi Schweiz, Kellogg Schweiz, Lidl Schweiz, Migros, Mokerei Lanz, Nestlé Suisse, Schweizerische Schälmühle E. Zwicky e Wander.

Ord l'archiv

Dapli infurmaziuns davart il zutger...

RR novitads 17:00