Per lur sectur da sanadad pajan Svizras e Svizzers ina massa daners – e tuttina sajan blers sbagls pussaivels. Radund in dieschavel da tut ils pazients vegnian donnegiads tar in tractament medicinal. Sco il rapport per mauns da l’Uffizi federal da sanadad mussa, fiss radund la mesadad da quests cas stads d’evitar.
Tge duai vegnir auter
Crititgà vegn cunzunt che bleras datas n’èn betg accessiblas. Datas che vegnissan dentant exnum duvradas per controllar e per reflectar davart ils standards da tgira.
Per meglierar la situaziun propona il rapport plinavant, ch'ils pazients vegnian integrads pli fitg en l’entir process medicinal. Lur experientschas persunalas vegnian duvradas bler memia pauc.
RR novitads 12:00