Da la retschertga resulta era che pli che la mesadad dals medis e da las medias da chasa e d'uffants èn cuntents cun l'atgna activitad. La cuntentezza dals medis generalists è dentant sa reducida durant ils davos onns, tant en Svizra sco sin l'entir mund. Dals passa 1'100 medis e medias dumandadas en Svizra, han 43% inditgà d'esser sut stress. Avant 4 onns eran quai anc 6% pli pauc.
Che la chargia da lavur saja creschida, en connex cun la pandemia da corona, han 56% dals medis generalists dumandads inditgà. Var dus terzs vesan dentant la pressiun tras las lavurs administrativas sco grond problem.