Siglir tar il cuntegn

Header

cuntegn

Sanadad, sport e cultura Cussegl federal vul prolungar disposiziuns da la lescha da Covid

Il Cussegl federal propona dad adattar anc ina giada la lescha da covid. I va per disposiziuns en ils secturs da la sanadad, protecziun da lavurantas e lavurants, sport e cultura.

Las mesiras pertutgadas scadessan la fin da l’onn senza las adattaziuns. Uss vul il Cussegl federal prolungar questas mesiras, pervi da la malsegirtad en connex cun il svilup da la pandemia e per avair la pussaivladad da cumbatter la pandemia.

Areguard ils agids per cas da direzza e dischoccupadas e dischoccupads duain puspè valair las proceduras ordinarias. La lescha è gia vegnida adattada trais giadas dapi il settember 2020. Davart las prolungaziuns proponidas decida il parlament durant la sessiun d'enviern.

Pertge prolungar?

Avrir la box Serrar la box

La basa legala per il certificat da Covid (Artitgel 6a) è bain en vigur enfin la fin dal 2022 e betg pertutgada da la decisiun. Ma ils blers auters puncts da la lescha, valan be fin la fin dal 2021. Cun prolungar la lescha da Covid-19 per in onn, vul il Cussegl federal garantir ch'ns haja vinavant enta maun ils instruments necessaris per cumbatter la pandemia, en cas che quella cuzzass pli ditg.

audio
Per tadlar curt e cumpact
aus RTR Audio vom 27.10.2021.
abspielen. Laufzeit 50 Sekunden.

RTR novitads 16:00

Artitgels legids il pli savens

Scrollar a sanestra Scrollar a dretga