Medicaments èn anc adina pli chars en Svizra ch’a l’exteriur. L’onn passà saja la differenza da pretsch schizunt anc s’augmentada per bunamain 4% sin 9%. Quai han communitgà la Federaziun da las cassas da malsauns Santésuisse e l'associaziun professiunala Interpharma.
Cunzunt tar generica sajan las differenzas da pretschs marcantas: A l’exteriur custian generica mo bun la mesadad ch’en Svizra. Santésuisse pretenda mesiras immediatas dal Cussegl federal per far frunt a quest trend. I fiss numnadamain pussibel da spargnar dapli che 1,3 milliardas francs per onn – e quai senza perder qualitad tar ils medicaments.