Cun sia dumonda ha la partida populara reagì sin il fraud electoral probabel ch’è vegnì enconuschent l’emna passada en las 3 vischnancas da Brig, Naters e Visp. La procura publica ha avert ina inquisiziun en chaussa.
La PPS parta dal fatg ch’i sa tracta da 50 cas da fraud electoral. Per declerar l’elecziun sco betg valaivla avessi però duvrà marcantamain dapli cedels electorals pertutgads. La dimensiun exacta dal fraud n'è però anc betg enconuschenta.
La partida populara svizra aveva pers la dumengia lur unic sez en la regenza. Oskar Freysinger n'è betg pli vegnì elegì. Ses sez ha gudagnà Frédéric Favre da la Partida liberaldemocratica svizra.
RR novitads 10:00