Siglir tar il cuntegn
Inhalt

Svizra Sargans: La polizia discurra dad incendiament

En connex cun ina seria dad incendis a Sargans tschertga la polizia dal chantun Son Gagl perditgas. La polizia è da l’avis ch’i saja vegnì dà fieu, ha ella communitgà suenter in incendi questa notg.

Fieu, flommas e dus pumpiers la notg.
Legenda: Donns considerabels - la remisa a Sargans ha ars la notg passada gia per la segunda giada. mad

La notg da glindesdi sin mardi ha ars ina remisa a Sargans. Cur ch’ils pumpiers èn arrivads sin il lieu brischava la remisa. Cun 45 pumpiers èsi reussì als pumpiers Pizol da stizzar il fieu, rapporta la polizia chantunala Son Gagl vinavant.

La remisa aveva ars gia ina giada l’avust. En ina scrinaria en vischinanza hai brischà il fanadur duas giadas. La polizia suppona ch'i saja vegnì dà fieu.

Durant ch'ils pumpiers han stizzà il fieu ha la lingia da viafier stuì vegnir serrada.

RR novitads 11:00