Svizra - Sbassar taxa per radio e televisiun cun midar lescha
Cun in gea a la revisiun da la lescha davart radio e televisiun profitass la gronda part da las chasadas en Svizra, uschia ha la cussegliera federala Doris Leuthard declerà a Berna.
Legenda:
Tenor il Cussegl federal giogan radio e televisiun in’impurtanta rolla per discurs democratics.
Keystone
Cun adattar la lescha pudess la taxa annuala vegnir sbassada per radund 60 francs sin 400 francs per chasada. Interpresas ston pajar taxas tenor lur svieuta e tar ina svieuta annuala sut in mez milliun franc scroda la taxa dal tut.
