Siglir tar il cuntegn

Svizra SBB Cargo resta figlia da la SBB

SBB Cargo na duai betg daventar independent. Il cussegl d'administraziun duai dentant pudair timunar la sort da l'interpresa a moda pli autonoma dal concern-mamma. Quai scriva il Cussegl federal en in rapport ch'è vegnì elavurà sin incumbensa dal Cussegl dals chantuns.

locomotiva da diesel da la SBB Cargo
Legenda: Il Cussegl federal ha gì d'examinar l'avegnir da SBB Cargo, l'interpresa da transport. Keystone

Il Cussegl federal ha stuì examinar, schebain el veglia laschar tut sco i saja, sch'el veglia ex-corporar SBB Cargo dal concern, u sch'el veglia privatisar SBB Cargo parzialmain u schizunt dal tut.

La regenza svizra po dentant s'imaginar che terzas persunas pon sa participar vid la SBB Cargo. Vitiers duain er persunas independentas da l'SBB pudair esser en il cussegl d'administraziun.

RR novitads 12:00