Siglir tar il cuntegn

Header

cuntegn

Svizra SBB cumpra novs vehichels per 265 milliuns francs

Las Viafiers federalas cumpran novas locomotivas e tractors per il servetsch da construcziun per 265 milliuns francs. Cun quests vehichels vegnia renovada la flotta da material da viafier che saja daventada veglia, communitgescha la SBB.

Las 47 locomotivas dal constructur franzos «Alstom» vegnian furnidas a partir dal 2018. Ellas èn energeticamain effizientas, uschia che las emissiuns da CO2 pon vegnir reducidas per fin a 6’000 tonnas per onn.

Tractors van èn funcziun il 2017

L’incarica per ils 35 tractors ha survegnì la «Windhoff Bahn-und Anlagetechnik GmbH» en Germania. Gia il 2017 duajan quels vehichels sustegnair il servetsch da construcziun. Er els dovran damain carburant, vul dir energia.

Renovà la rait da viafier per 1 milliarda francs il 2015

Quest onn han las Viafiers federalas investì passa 1 milliarda francs per renovar la rait da viafier. Vitiers vegnan mintg'onn passa ina mesa milliarda per las lavurs da mantegniment annualas.

RR novitads 12:00

Artitgels legids il pli savens