Siglir tar il cuntegn

Svizra SBB na ceda betg

Las Viafiers federalas fan recurs cunter la surdada da duas concessiuns a la BLS la viafier Bern-Lötschberg-Simplon.

Purtret da duas locomotivas, ina da la SBB ed ina da la BLS.
Legenda: La BLS duai survegnir las concessiuns per duas lingias a lunga distanza. Quai na vul l'SBB betg. Keystone

Sco quai che las Viafiers federalas communitgeschan saja la surdada da duas concessiuns en il traffic a lunga distanza, ina midada da sistem cun consequenzas vastas per il sistem cumprovà dal traffic public. Vitiers crititgescha la SBB che la decisiun da l'uffizi federal da traffic n'haja nagina basa legala. Per stgaffir segirtad legala ha la SBB perquai inoltrà in recurs tar il Tribunal administrativ federal.

L'entschatta zercladur ha la Confederaziun communitgà da surdar las concessiuns per las lingias Berna-Bienna e Berna-Burgdorf-Olten a la BLS.

RR novitads 12:00