Las Viafiers federalas SBB construeschan in terz center d'intervenziun sin il traject da la NEAT. Quest nov center vegn bajegià a Melide per la segirezza dal tunnel dal Monte Ceneri e cumplettescha en il Tessin il center existent a Biasca. Quai communitgescha la SBB.
Tar accidents en il tunnel èsi en l'avegnir pussaivel d'intervegnir nà dal sid sco er nà dal nord. Il center è equipà cun trens da stizzar sco er trens spezials tar incaps cun chemia. La construcziun cumenza il 2019 e custa 6,9 milliuns francs.
Per lung la lingia da la NEAT existan gia centers d'intervenziun e da mantegniment da la SBB ad Erstfeld ed a Biasca. Lur sectur da responsabladad per logistica, mantegniment, intervenziun e telecommunicaziun tenscha da Chiasso fin a Sihlbrugg.
RR novitads 16:00