A partir dal december da l'auter onn duain las lingias Berna-Bienna e Berna - Burgdorf Olten vegnir gestiunadas da la societad da tren BLS. La SBB perdess cunquai ses monopol. Duess la Confederaziun per propi pigliar davent questas duas lingias da la SBB, vul quella far recurs. Il mument marscha però anc la fasa da consultaziun.
Quai che vesia sin l'emprima egliada ora sco ina pitschna midada, saja ina midada da sistem che na possia betg vegnir annullada, communitgescha la SBB. Ina tala midada muntass pretschs pli auts ed ina mendra qualitad tar la purschida da la viafier. La SBB fa quint cun custs supplementars da radund 100 milliuns francs per onn.
Las Viafiers federalas accentueschan però er, ch'els restian pronts per discurs cun l'Uffizi federal da traffic e la BLS.
RR novitads 12:00
